Кормандони ШХДО ВМКБ филми “ПЕШВО”-ро дастаҷамъона тамошо намуданд

15 ноябр кормандони Шуъбаи хадамоти давлатии оташнишонии ВМКБ филми "ПЕШВО"- и МД рӯзномаи “Ҷавонони Тоҷикистон”, ки аз зиндагинома, ҷонфидоӣ, заҳмату меҳнатҳои хастанопазири Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар роҳи душворӣ ба даст овардани сулҳу ваҳдат ва ризоияти миллӣ ҳикоят мекунад, дастаҷамъона тамошо намуданд.

Мақсад аз тамошои филм, расидан ба қадри ваҳдату Истиқлолияти давлатӣ, ҳифзу гиромидошти арзишҳои давлати соҳибистиқлол ва эҳтирому арҷгузорӣ ба фидокориҳои фарзанди фарзонаи миллат муҳтарам Эмомалӣ Раҳмон мебошад.

Садоншо ҶАНОБИЛШОЕВ,
“ҶТ”