Зулфиқор Гулаҳмадзода раиси Кумитаи кор бо ҷавонон ва варзиши назди Ҳукумати кишвар дар ҳамроҳӣ бо муовини раиси шаҳри Бохтар Забирзода Фурқат ва сардори Раёсати кор бо ҷавонон ва варзиши вилояти Хатлон Рамазон Насриддинзода модари сарбози шаҳидшуда Минқулов Асланро аёдат карданд.

Миниқулов Аслан зимни адои хизмати ҳарбӣ баҳри ҳимояи Ватан 14 сентябри соли 2022 дар хати сарҳади давлатӣ дар шаҳри Исфара дар задухӯрдҳои байнидавлатии сарҳадӣ аз худ шуҷоату далерӣ нишон дода, қаҳрамонона ҳалок гардидааст.

Ӯ зодаи шаҳри Бохтар буда, соли 2021 ба сафи Қувваҳои Мусаллаҳи Ҷумҳурии Тоҷикистон даъват шуда буд.