ҶОМЕА
Якшанбе 20 Сентябр 2020 01:16
3818
Соли 2017 Маркази миллии қонунгузории назди Президенти Ҷумҳурии Тоҷикистон бо мақсади такмили қонунгузорӣ, баланд бардоштани сифату самаранокии фаъолияти ҳуқуқэҷодкунӣ, таҳлили муқоисавӣ-ҳуқуқии қонунгузории амалкунанда ва дастрасии иттилооти ҳуқуқӣ ба шаҳрвандон ва ташкилотҳо корҳои зиёдеро ба анҷом расонидааст.

24-уми январ, Идиев Файзалӣ, директори Маркази миллии қонунгузории назди Президенти Ҷумҳурии Тоҷикистон, зимни нишасти хабарӣ иброз дошт, ки “ҷиҳати баланд бардоштани сифати қонунҳо, бартараф кардани мухолифат, номутобиқатӣ ва холигии байни санадҳои меъёрии ҳуқуқӣ ва мукаммалсозии онҳо Марказ ба зиёда аз 130 лоиҳаи қонунҳо, санадҳои меъёрии ҳуқуқӣ ва созишномаҳои байналмилалӣ хулосаҳои ҳуқуқӣ дод, ки дар маҷмӯъ солона 700 пешниҳодҳоро дарбар мегирад”.

Ҳамчунин, номбурда доир ба фаъолияти марказ ва ҷиҳати боло бурдани маърифати ҳуқуқии аҳолӣ суханронӣ намуда, таъкид намуд, ки “марказ муассисаи илмӣ-тадқиқотӣ ва иттилоотию таҳлилӣ буда, фаъолияти худро тибқи Нақшаи корҳои илмию тадқиқотии марказ барои солҳои 2016-2020 дар мавзӯъҳои “Проблемаҳои актуалии қонунгузории Ҷумҳурии Тоҷикистон” ва “Танзими ҳуқуқии электрокунонии фаъолияти соҳибкорӣ дар Тоҷикистон” ба роҳ мемонад. Кормандони марказ бо мақсади баланд бардоштани маърифат ва маданияти ҳуқуқии шаҳрвандон бо аҳолӣ дар соли гузашта зиёда аз 100 вохӯриҳо гузаронида, инчунин 100 маротиба тавассути воситаҳои ахбори омма баромад намуданд”.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4

Сентябр 2020 c.