Дар шаш моҳи аввали соли 2024 дар Ҷумҳурии Тоҷикистон муҳоҷирати меҳнатӣ 16 фоиз коҳиш ёфтааст.

Дар ин бора имрӯз, 6 август Гулнора Кенҷа, вазири меҳнат, муҳоҷират ва шуғли аҳолии Ҷумҳурии Тоҷикистон зимни нишасти хабарӣ бо рӯзноманигорон иттилоъ дод.

Ба гуфтаи ӯ, рафти муҳоҷирони корӣ ба хориҷи кишвар дар шаш моҳи соли равон 392 ҳазору 805 нафарро ташкил медиҳад, ки ин омор нисбати ҳамин давраи соли гузашта 16 фоиз кам шудааст.

Аз ин шумора шумораи мардон 314 ҳазору 52 нафар ва занон 78 ҳазору 753 нафар мутаносибан 17 фоиз ва 12 фоиз нисбат ба ҳамин давраи соли гузашта кам шудаанд.

Гуфта шуд, ки аз теъдоди умумии рафти муҳоҷирони меҳнатӣ 386 ҳазору 987 нафар ба Федератсияи Русия рост меояд.

Бозгашти муҳоҷирони меҳнатӣ дар ин муддат 324 ҳазору 65 нафар (2023 315 870) ё ин ки 3% зиёд буда, аз ин теъдод шумораи мардон 243 ҳазору 546 нафар ё ин ки 3% кам буда, шумораи занон 80 ҳазору 519 нафар ё ин ки 25% зиёд мебошад.