Дар нимсолаи аввали соли равон аз Ҷумҳурии Тоҷикистон 322 068 нафар ба муҳоҷирати меҳнатӣ рафтааст.

Дар ин бора имрӯз Ширин Амонзода, вазири меҳнат, муҳоҷират ва шуғли аҳолии Ҷумҳурии Тоҷикистон зимни нишасти хабарӣ иттилоъ дод.

Ӯ зикр кард, ки аз ин шумора 264 ҳазору 617 нафар мард ва 57 ҳазору 451 нафарашонро занон ташкил медиҳанд, ки нисбат ба ҳамин давраи соли гузашта 2 маротиба зиёд шудааст.

-Дар ин давра аз хориҷи кишвар 240 ҳазору 596 нафар муҳоҷири меҳнатӣ ба ватан баргаштанд, ки аз ин 194 ҳазору 395 нафар мард ва 46 ҳазору 201 нафар зан мебошанд, ки нисбати ҳамин давраи соли гузашта 4,5 маротиба зиёд аст, -иброз намуд вазир.

Ҳамзамон зикр гардид, ки дар нимсолаи якуми соли 2022 зимни баррасии муроҷиатҳо 5070 нафар, ки дар рӯйхати манъшудагон дар махзани маълумоти Хадамоти муҳоҷират мавҷуд буданд, аз сафар ба Федератсияи Русия баргардонида шуданд.