Таҳти ин унвон дар шаҳри Хуҷанд бо ташаббуси Раёсати кор бо ҷавонон ва варзиши вилояти Суғд дар ҳамкорӣ бо Раёсати кор бо занон ва оилаи назди мақомоти иҷроияи ҳокимияти давлатии вилоят бо иштироки волонтёрону кормандони раёсатҳо аксияи вилоятӣ бо тақсим намудани беш аз 500 адад маводҳои тарғиботӣ баргузор гардид.

Дар ҷараёни аксия қайд гардид, ки танҳо давоми 30 соли охир дар минтақаи Осиё наздик 30 миллион нафар занону кўдакон мавриди хариду фурӯш қарор гирифтаанд. Мувофиқи ҳисоботи Созмони Милали Муттаҳид ҳамасола беш аз 4 миллион нафар одамон дар саросари ҷаҳон барои иҷрои корҳои маҷбурӣ аз сарҳадоти кишварҳои дигар гузаронида шуда, ин кор ба ҷиноятпешаҳо соле то 7 миллиард доллари амрикоӣ даромади ғайриқонунӣ меорад. Бояд ҳама дар якҷоягӣ зидди ин зуҳуроти номатлуб мубориза барем.