Имрӯз дар қисми ҳарбии 08010-и Гвардияи миллии Ҷумҳурии Тоҷикистон мулоқоти муовини сардори Раёсати кор бо ҷавонони дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зарнигор Раҷабова бо сарбозону афсарон бо мақсади баланд бардоштани ҳисси ватандӯстӣ ва худшиносиву худогоҳии сарбозон ва иштироки фаъолона дар интихоботи Президенти Ҷумҳурии Тоҷикистон доир гардид.

Номбурда дар ибтидо ба афсарону сарбозон барои хизмати содиқонаашон изҳори миннатдорӣ намуда, таъкид кард, шумоед, ки ватанро ҳимоя менамоеду мо дар ватани обод ва дар фазои сулҳу субот умр ба сар мебарем. Ман умедворам, ки ҳар яки шумо то охири хизмат кишвари моро аз ҳама чиз муҳофизат мекунед. Итминон дорам, ки ҳамаи ҷавонмардони ин қисми низомӣ ба маъракаи муҳими сиёсии дар пеш буда, омодаанд ва дар он фаъолона иштирок мекунанд.