Дар соли 2022 дар мақомоти Ваколатдор оид ба ҳуқуқи инсон 1191 адад муроҷиатҳои шахсони воқеӣ ва ҳуқуқӣ ба қайд гирифта шуданд, ки нисбати соли пешин камтар мебошад.

Ин нуктаро Умед Бобозода, ваколатдор оид ба ҳуқуқи инсон 2 феврал зимни нишасти матбуотӣ зикр намуд.

Қайд гардид, ки қисмати бештари муроҷиатҳои шахсони воқеӣ ва ҳуқуқӣ масъалаҳои ҳуқуқ ба манзил, ҳуқуқ ба замин, ҳуқуқи инсон ва мақомоти ҳифзи ҳуқуқ, ҳуқуқ ба сатҳи зиндагӣ, ғамхории волидайн ва дар оила тарбия гирифтан, ҳуқуқи шахсони аз озоди маҳрумшуда, ҳуқуқ ба таъминоти иҷтимоӣ, ҳуқуқи дастрасӣ ба иттилоот ва амсоли инро дар бар мегирифт.

Сабаби кам ворид шудани муроҷиати шаҳрвандонро Ваколатдор оид ба ҳуқуқи инсон дар муваққатан фаъолият надоштани баъзе аз намояндагиҳои ваколатдор дар баъзе минтақаҳои кишвар арзёбӣ намуд.