Бо ташаббуси мақомоти иҷроияи ҳокимияти давлатии вилояти Хатлон бахшида ба ҷашни 30-солагии истиқлолияти давлатӣ, ки озмуни вилоятӣ таҳти унвони “Ободгари Ватан” эълон гардидааст, ғолибони аввалини он муайян шуданд.

Ба иттилои манбаъ мақсад аз гузаронидани озмун беҳтар намудани шароити зисту зиндагии маишии аҳолӣ, суръат бахшидан ба корҳои ободонию бунёдкорӣ, ободу зебо гардонидани кӯчаю деҳаҳо ва саҳм гузоштан дар ободии маҳалли худ мебошад. 

Озмун давоми солҳои 2019-2021 идома ёфта, ҳар семоҳа аз он натиҷагирӣ карда мешавад.
 
Дар семоҳаи нахустини он, ки сипарӣ гардид, 13 соҳибкорони шаҳру ноҳияҳои вилоят, ки саҳми арзандаи худро дар бунёди бино ва иншоотҳои гуногун гузоштаанд, бо туҳфаҳои хотиравии раиси вилояти Хатлон қадрдонӣ шуданд.