Таҳти ин унвон, санаи 6 май, дар Донишкадаи идоракунии давлатии назди Президенти Ҷумҳурии Тоҷикистон бахшида ба Солҳои рушди деҳот, сайёҳӣ ва ҳунарҳои мардумӣ конференсияи ҷумҳуриявии илмӣ-амалӣ баргузор гардид.

Ғафурзода Абдухалил Давлаталӣ, ректори Донишкадаи идоракунии давлатии назди Президенти Ҷумҳурии Тоҷикистон чорабиниро ифтитоҳ намуда, иброз дошт, ки Тоҷикистон ҳамчун кишвари соҳибистиқлол дар тамоми соҳаҳои ҳаёти давлатию ҷамъиятӣ рушд карда, дар ҳамин раванд роҳбарияти олии сиёсии кишвар таҷдиду такмили пай дар пайи низоми идоракунии давлатӣ ва худидоракунии маҳаллиро яке аз ҳадафҳои асосии ислоҳоти давлатдории миллии муосир қарор додааст.

Зикр гашт, ки ҳадаф аз баргузории конференсия дар амал татбиқ намудани дастуру ҳидоятҳои Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад.

Дар раванди конференсия иштирокчиён ҳамчунин масъалаҳои мубрами рушди маҳал, таъсиси ҷойҳои нави корӣ, истифодаи самараноки захираю имкониятҳои сайёҳии маҳалҳо ва баланд бардоштани сатҳу сифати хизматрасониро дар деҳот  баррасӣ намуда, барои дарёфти роҳи ҳалли онҳо пешниҳодҳои судманд намуданд.