Нерӯгоҳи барқи обии "Норак" ба қатори панҷгонаи иншооти беназири саноатии ҷаҳон дохил шуд. Дар ин бора "sputnik-tj.com" бо истинод ба "РИА Новости" хабар додааст.

"Чун анъана инсон аз дидани шоҳасарҳои гуногуни меъморӣ ҳаловат мебарад, вале ҳастанд иншооте, ки на онқадар зебоянд, вале касро ба ҳайрат мегузоранд", - омадааст дар хабарнома.

Муаллифони раддабандии иншооти ғайриоддии саноатӣ Нерӯгоҳи "Норак"-ро барои баландтарин сарбанд (300 метр) сазовори ҷои намоён донистаанд. Ҳамчунин гуфта мешавад, ки "истгоҳи обанбор низ ғайриоддӣ аст — дарозиаш 70 километр, майдони рӯи об 98 метри мураббаъ, ҳаҷми он 10,5 километри мукааб мебошад.

Дар рейтинг, ҳамчунин иншооти зерин дохил шуданд: "Statfjord-B" дар баҳри шимолӣ, корхонаи истеҳсоли гази "Troll A", бинои "NASA Vehicle Assembly Building" дар иёлати Флоридаи ШМА ва "Meyer Werft"-и Олмон.

НБО "Норак" дар дарёи Вахш ҷойгир шудааст. Иқтидори он 3000 МВт мебошад. Барқистеҳсолкунии миёнаи солонааш 10700 ГВтч (дар солҳои 2007-2013). Аз нуҳ агрегате, ки ҳоло дар НБО мавҷуд аст, аввалинаш соли 1972 ва охиронаш соли 1979 ба истифода дода шуда буд.