Ҳар ҳафта рӯзҳои шанбе тибқи дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар тамоми қаламрави кишвар корҳои ободонӣ, бунёди гулгаштҳо ва кабудизоркунӣ дар тамоми қаламравӣ кишвар доир карда мешавад.

Чунин тадбир имрӯз 18 март  бо ташббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бо мақсади  ободу зебо гардонидани пойтахти азизамон шаҳри Душанбе корҳои тозагиву ободонӣ дар мавзеи ободонии Кумита, воқеъ дар суроғаи ноҳияи Исмоили Сомонӣ, кӯчаи Гагарина 15 бо теъдоди 1000 нафар кормандони Кумита, волонтёрон ва дигар  ҷавонони фаъол  доир карда шуд.

Мавзеи мазкур тариқи ҳашар ҳамвор карда шуда, барои шинондани дарахтону гулҳои ороишӣ мутобиқ шуда, рӯзҳои наздик ба як макони истироҳату фароғати сокинони маҳалла табдил дода мешавад.

Боиси зикр аст, ки имрӯзҳо дар тамоми қаламрави кившар дар асоси фармоиши раиси Кумитаи ҷавонон, варзиш ва сайёҳӣ Амалиёти ҷумҳуриявии 75 рӯзи ниҳолшинонии ҷавонон таҳти унвони “Дарахти дӯсти биншон, ки коми дил ба бор орад” бахшида ба 20 солагии Ваҳдати миллӣ ва “Соли ҷавонон” бо иштироки васеи ҷавонону варзишгарон доир шуда истодааст.

Шералӣ АЗИМӢ “ҶТ”