Дар ноҳияи Рашт дар мавзӯи "Оила ҳамчун ниҳоди иҷтимоӣ ва макони тарбияи фарзанд" суҳбати гирди миз доир гашт.

Тавре аз Кумитаи ҷавонон, варзиш ва сайёҳӣ иттилоъ доданд, дар он ҷавонони фаъоли ҷумҳурӣ, ҷавонон ва занони фаъоли ноҳияи Рашт иштирок намуданд.

Иштирокчиён доир ба маърифати оиладорӣ ва муносибатҳои оилавӣ, пешгирии барҳамхурии оилаҳои ҷавон ва ҷиҳати пешгирии никоҳи хешутаборӣ маълумоти зарурӣ гирифтанд.      

Дилошуб Розиқов, намояндаи Кумитаи ҷавонон, варзиш ва сайёҳӣ, дар баромади худ вобаста ба масъалаҳои муносибатҳои оилавӣ, раванди тарбияи фарзанд дар оила, назорати доимии волидайн аз болои фарзандон ва роҳҳои муваффақ гардидан дар зиндагиро суҳбат кард. Инчунин, занони рӯзгордида аз ҳаёти худ қиссаҳои ҷолиб намуда, мубориз будан дар зиндагиро ба ҷавонон талқин намуданд.