ҶОМЕА
Ҷумъа 29 Март 2024 04:22
Дар Кохи Суруши шаҳри Душанбе маросими ҷоизасупории Фестивали II дӯстии афсарону сарбозон ва ҷавонони синни даъватӣ таҳти унвони “Барои давлату миллатам содиқона хизмат мекунам” баргузор гардид.
Дар фестивали мазкур Дилбар Одилзода, муовини раиси шаҳри Душанбе, Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Шоҳзода Раҳимзода, сардори Раёсати кор бо ҷавонон ва варзиши шаҳри Душанбе, намояндагони ҷузъу томҳои Қувваҳои Мусаллаҳ ва афсарону сарбозон ва ҷавонони синни даъватию тодаъватӣ иштирок намуданд.
Дар оғози фестивал Дилбар Одилзода, муовини раиси шаҳри Душанбе паёми шодбошии раиси шаҳри Душанбе муҳтарам Рустами Эмомалиро ба ҳамаи иштирокчиён расонида, таъкид намуд, ки сол то сол шароит дар сохторҳои ҳарбию низомии кишвар беҳтар ва шумораи ҷавонони матинирода торафт зиёд шуда истодааст. Қувваҳои Мусаллаҳ бо вуҷуди мушкилоти зиёде, ки дар солҳои аввали истиқлол дар ҳаёти иқтисодиву иҷтимоии кишвар ҷой доштанд, тадриҷан ба неруи тавонои ҳарбӣ табдил ёфт. Имрӯз ҳамаи мо - шаҳрвандони кишвар бо шумо барин шермандони шуҷоъ ифтихор мекунем.
Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон зимни баромади хеш таъкид кард, имрӯз бо итминони калон гуфта метавонам, ки афсарону сарбозони далеру шуҷои Қувваҳои Мусаллаҳ ба савганди ҳарбии худ ҳамеша содиқ монда, рисолати фарзандии худро дар назди Ватан, миллат ва давлати худ минбаъд низ содиқона адо мекунанд.
Гуфта шуд, ки фестивал бо қарори раиси шаҳри Душанбе муҳтарам Рустами Эмомалӣ аз 17 то 22 феврал дар ҳудуди пойтахт баргузор шуд. Дар он дастаи Вазорати мудофиаи Ҷумҳурии Тоҷикистон сазовори ҷойи якум шуда, соҳиби медали тилло гардид. Инчунин дастаи Донишкадаи ҳарбии Вазорати мудофиаи Ҷумҳурии Тоҷикистон ҷойи дуюм ва дастаҳои Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ва Қӯшунҳои дохилии Вазорати корҳои дохилии Ҷумҳурии Тоҷикистон ҷойи сеюмро ба даст оварда, соҳиби медалҳои нуқраву баринҷӣ, ифтихорнома ва туҳфаҳои хотиравӣ гардиданд.
Дар охири маросим ғолибони фестивал дар вазъияти тантанавӣ қадрдонӣ карда шуда, барномаи фарҳангӣ пешкаши ҳозирин гардонида шуд.
Дар фестивали мазкур Дилбар Одилзода, муовини раиси шаҳри Душанбе, Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Шоҳзода Раҳимзода, сардори Раёсати кор бо ҷавонон ва варзиши шаҳри Душанбе, намояндагони ҷузъу томҳои Қувваҳои Мусаллаҳ ва афсарону сарбозон ва ҷавонони синни даъватию тодаъватӣ иштирок намуданд.
Дар оғози фестивал Дилбар Одилзода, муовини раиси шаҳри Душанбе паёми шодбошии раиси шаҳри Душанбе муҳтарам Рустами Эмомалиро ба ҳамаи иштирокчиён расонида, таъкид намуд, ки сол то сол шароит дар сохторҳои ҳарбию низомии кишвар беҳтар ва шумораи ҷавонони матинирода торафт зиёд шуда истодааст. Қувваҳои Мусаллаҳ бо вуҷуди мушкилоти зиёде, ки дар солҳои аввали истиқлол дар ҳаёти иқтисодиву иҷтимоии кишвар ҷой доштанд, тадриҷан ба неруи тавонои ҳарбӣ табдил ёфт. Имрӯз ҳамаи мо - шаҳрвандони кишвар бо шумо барин шермандони шуҷоъ ифтихор мекунем.
Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон зимни баромади хеш таъкид кард, имрӯз бо итминони калон гуфта метавонам, ки афсарону сарбозони далеру шуҷои Қувваҳои Мусаллаҳ ба савганди ҳарбии худ ҳамеша содиқ монда, рисолати фарзандии худро дар назди Ватан, миллат ва давлати худ минбаъд низ содиқона адо мекунанд.
Гуфта шуд, ки фестивал бо қарори раиси шаҳри Душанбе муҳтарам Рустами Эмомалӣ аз 17 то 22 феврал дар ҳудуди пойтахт баргузор шуд. Дар он дастаи Вазорати мудофиаи Ҷумҳурии Тоҷикистон сазовори ҷойи якум шуда, соҳиби медали тилло гардид. Инчунин дастаи Донишкадаи ҳарбии Вазорати мудофиаи Ҷумҳурии Тоҷикистон ҷойи дуюм ва дастаҳои Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ва Қӯшунҳои дохилии Вазорати корҳои дохилии Ҷумҳурии Тоҷикистон ҷойи сеюмро ба даст оварда, соҳиби медалҳои нуқраву баринҷӣ, ифтихорнома ва туҳфаҳои хотиравӣ гардиданд.
Дар охири маросим ғолибони фестивал дар вазъияти тантанавӣ қадрдонӣ карда шуда, барномаи фарҳангӣ пешкаши ҳозирин гардонида шуд.
Эзоҳи худро нависед