Соли гузашта масъулини Хадамоти гумруки назди Ҳукумати Ҷумҳурии Тоҷикистон дар натиҷаи гузаронидани тафтишот дар гузаргоҳҳои сарҳадӣ аз қочоқ ё интиқоли ғайриқонунии миқдори калони маблағҳои пулӣ ҷилавгирӣ кардаанд.

Дар ин бора 15 феврал Азим Турсунзода, муовини якуми сардори Хадамоти гумруки назди Ҳукумати Ҷумҳурии Тоҷикистон зимни нишасти матбуотӣ иттилоъ дод.

Ба гуфтаи А. Турсунзода дар соли 2022 7 ҳолати интиқоли ғайриқонунии асъори хориҷӣ ба маблағи 2 002 000 рубли русӣ, 311 340 доллари амрикоӣ ва 27 400 евро ошкор карда шуда, аз рӯи ин ҳолатҳо бо моддаҳои дахлдори Кодекси ҷиноятии Ҷумҳурии Тоҷикистон парвандаҳои ҷиноятӣ боз шудааст.

Ҳамзамон ӯ таъкид намуд, ки дар соли 2022, 8 ҳолати интиқоли ғайриқонунии телефонҳои мобилӣ ба миқдори 397 адад бо арзиши 527 602 сомонӣ ошкор карда шудааст. Аз рӯи ҳолатҳои мазкур 2 парвандаи ҷиноятӣ ва 6 парвандаи ҳуқуқвайронкунии маъмурӣ боз карда шуда, барои баррасӣ ба мақомоти дахлдор ирсол шудааст.

Таҳмина ЮСУФӢ, "ҶТ"