Дар ҷамоатҳои деҳоти Ваҳдат ва Исмоили Сомонии ноҳияи Деваштич бо мақсади фаҳмонидани нуктаҳои муҳими Паёми навбатии Пешвои миллат, муҳтарам Эмомалӣ Раҳмон ба Маҷлиси Олӣ мулоқоти гуруҳи тарғиботии Ҳукумати Ҷумҳурии Тоҷикистон бо сокинон баргузор гардид.

 Исмоилзода Зафар, вакили Маҷлиси намояндагон зимни суханронӣ қайд намуд, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Паёми навбатии худ ба Маҷлиси Олии кишвар вазъи кунунии ҷомеаи Тоҷикистонро мавриди таҳлилу баррасӣ қарор дода, самтҳои асосии сиёсати дохилию хориҷии давлатро барои оянда муайян намуданд.

Аҳтам Абдуллозода, раиси Кумитаи кор бо ҷавонон ва варзиш дар баромади худ доир ба омодагиҳо бахшида ба 30-солагии Истиқлолияти давлатӣ ва сазоворона таҷлил намудани он суханронӣ намуда, таъкид намуданд, ки бояд ҳар як шаҳрванд баҳри пешрафту тараққиёти ин сарзамин саҳми худро гузорад.

Дар идомаи мулоқот сардори Раёсати кор бо ҷавонон ва варзиши вилояти Суғд М.Каримов доир ба самтҳои ҷавонон, маорифу тандурустӣ ва раиси КИ ҲХДТ дар ноҳияи Деваштич К.Исмоилиён перомуни баланд бардоштани маърифати ҳуқуқии аҳолӣ ва соҳибкорон ибрози андеша намуданд.