ҶОМЕА
Душанбе 14 Октябр 2019 05:47
1839
Раҳими Рафеъзод, нависанда ва журналист пас аз бемории тӯлонӣ дар синни 58-солагӣ аз дунё даргузашт.

Ӯ соли 1958 дар оилаи деҳқон ба дунё омада, мактаби миёнаи рақами 6-и деҳаи Кадучии ноҳияи Восеъро хатм кардааст. Соли 1979 Донишгоҳи омӯзгории шаҳри Душанберо бо ихтисоси физика хатм карда, ба кори омӯзгорӣ шуруъ намуд.

Маҷмӯаи аввалини нависанда аз тарафи нашриёти «Сурӯшак» бо номи «Бӯйи деҳа» (2003) аз чоп баромад. Баъдан маҷмӯаҳояш бо номҳои «Бозгашт барои марг» (2005), «Дар хобу бедорӣ» (2011) ва «Чароғи давра» (2012) нашр шуда, ба дасти хонандагон расидаанд.

Узви Иттифоқи нависандагони Тоҷикистон буда, аз соли 2009 то 2015 ба ҳайси хабарнигори рӯзномаи «Ҷавонони Тоҷикистон» дар вилояти Хатлон кор кардааст.

Аҳли эҷоди рӯзномаи "Ҷавонони Тоҷикистон" ба пайвандон ва ёру дӯстони марҳум ҳамдардӣ изҳор карда, ба онҳо аз даргоҳи Худованд сабри ҷамил мехоҳанд. Худованд ҷояшро ҷаннат гардонад!

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Октябр 2019 c.