Имрӯз дар шаҳри Душанбе зимни баргузории як ҷаласа, ки барои дар сатҳи баданди ташкилӣ гузаронидани Рӯзи ҷаҳонии футбол ташкил шуда буд, рамз (логотип)-и Рӯзи ҷаҳонии футбол тасдиқ гардид.

Дар ин бора аз дафтари матуботи Мақомоти иҷроияи ҳокимитяи давлатии шаҳри Душанбе хабар доданд.

Ба иттилои манбаъ дар ҷаласа пешниҳод шудааст, ки рамзи мазкур дар тантанаҳои Рӯзи ҷаҳонии футбол, ки дар саросари кишвар дар назар аст ҷашн гирифта шавад, истифода гардад.

Ёдовар мешавем, ки муҳтарам Рустами Эмомалӣ, Президенти Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон 9 феврали соли равон бори нахуст ба Созмони Милали Муттаҳид пешниҳод карда буданд, ки нақши футбол дар сатҳи ҷаҳонӣ пазируфта шавад ва бо қабули қатъномаи махсуси Ассамблеяи генералии СММ расман Рӯзи ҷаҳонии футбол эълон гардад. Санаи 7 майи соли ҷорӣ Ассамблеяи генералии Созмони Милали Муттаҳид қатъномаи наверо қабул кард, ки тибқи он ҳамасола 25 май ҳамчун Рӯзи ҷаҳонии футбол дар ҷаҳон ҷашн гирифта мешавад.