Вазорати адлияи Ҷумҳурии Тоҷикистон рамзи “Соли маърифати ҳуқуқӣ – 2024”-ро тасдиқ кард.

Дар ин бора шабакаи телеграмии раиси шаҳри Душанбе муҳтарам Рустами Эмомалӣ хабар дод.

Ба иттилои манбаъ рамзи “Соли маърифати ҳуқуқӣ – 2024” бо фармоиши Вазири адлияи Ҷумҳурии Тоҷикистон аз 19 апрели соли 2024 тасдиқ гардида, мақсад аз он иҷрои банди 3-и “Нақшаи чорабиниҳо бахшида ба Соли маърифати ҳуқуқӣ эълон намудани соли 2024”, ки бо амри Президенти Ҷумҳурии Тоҷикистон аз 18 марти соли 2024 ва банди 19-и Низомномаи Вазорати адлияи Ҷумҳурии Тоҷикистон, ки бо қарори Ҳукумати Ҷумҳурии Тоҷикистон 30 сентябри соли 2021 тасдиқ гардидааст, мебошад.

Ёдовар мешавем, ки Асосогузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми солонаашон “Дар бораи самтҳои асосии сиёсати дохилӣ ва хориҷии ҷумҳурӣ” аз 28.12.2023 соли 2024-ро Соли маърифати ҳуқуқӣ эълон карда буданд.