Доир ба ин масаъала Кумитаи ҷавонон, варзиш ва сайёҳии назди Ҳукумати ҷумҳурӣ дар доираи “Соли ҷавонон” вобаста ба пешгирии савдои одамон мулоқоту вохӯриҳоро миёни наврасону ҷавонони шаҳру ноҳияҳои Қурғонтеппа, Қубодиён ва Восеъ рӯзҳои 6, 8 ва 10 майи соли 2017 баргузор намуд.

Дар мулоқоту вохӯриҳо муовинони раиси шаҳру ноҳияҳо ва намояндагони Прокуратураи генералӣ, шуъбаҳои вазорати корҳои дохилӣ, Вазорати маориф ва илм, Кумитаи оид ба корҳои дин, танзими анъана ва ҷашну маросимҳо ва Кумитаи кор бо занон ва оила иштирок намуда, вобаста ба пешгирӣ аз муқовимат ба савдои одамон ва эмин нигоҳ доштани насли ҷавон аз таҳдидҳои замони муосир суханронӣ намуданд.

Зимни вохӯриҳо иштирокдорон доир ба ин масъалаи доғ саволҳои худро пешниҳод намуда, аз ҷониби масъулин ҷавоб гирифтанд.

Дар назар аст, ки чунин мулоқотҳо аз ҷониби масъулини Раёсати кор бо ҷавонони Дастгоҳи марказии Кумита дар шаҳру ноҳияҳои Норак ва Бохтар ба роҳ монда шаванд.