26 май дар Маркази тадқиқоти стратегии назди Президенти Ҷумҳурии Тоҷикистон бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба моҳвораи ҷавонон курси омӯзишӣ таҳти унвони “Аввалин мактаби сайёри ҷавондухтарони роҳбар” баргузор гардид.

Саодат Ҷурахонзода, муовини директори Маркази тадқиқоти стратегии назди Президенти Ҷумҳурии Тоҷикистон дар курси мазкур ширкат варзида, дар мавзӯи “Нақши занон дар рушди бозори меҳнат” ибрози андеша намуд.

Ӯ зимни баромадаш доир ба фаъолияти роҳбарии бонувон андешаронӣ карда, афзуд, ки занон ҳамеша дар маркази диққати роҳбарияти олии мамлакат буда, баҳри кору фаъолияти онҳо кулли имкониятҳо фароҳам оварда шудааст. Имрӯз бонувон дар ҷавоб ба ғамхориҳои Ҳукумати кишвар баробари дигар соҳаҳо дар рушди бозори меҳнати кишвар саҳми арзанда доранд.

Ёдовар мешавем, ки ин дуюмин курси мазкур буда, он дар дигар вазорату идораҳо то 27-уми майи соли равон идома хоҳад ёфт.