Бахшида ба 24-умин солгарди таъсисёбии Қувваҳои Мусаллаҳи Ҷумҳурии Тоҷикистон дар қисми низомии 0212-и ноҳияи Деваштич чорабинӣ баргузор гардид, ки дар он раиси ноҳия Рустам Ҷўразода ва роҳбарони мақомоти ҳифзи ҳуқуқ ва ташкилоту муассисаҳо ширкат карданд.

Раиси ноҳия ва фаъолон афсарону сарбозонро бо ин ҷашни фархунда табрик намуда, онҳоро барои хизмати содиқона бо «Сипоснома», «Ифтихорнома» ва туҳфаҳои хотиравӣ қадрдонӣ карданд.

Аз ҷониби кумитаи маҳаллаи деҳаи Ғазантараки ноҳияи Деваштич барои афсарону сарбозони шуҷои Ватан, ҳамчун нишони қадрдониву сипосмандӣ, дастархони идона ороста гардида, баҳри хотирмон баргузор намудани чорабинӣ барномаи рангини фарҳангӣ пешкаш гардид.

Дар ин бора Сарвар Саидов, роҳбари НТҶҶ «Созандагони Ватан» дар ноҳияи Деваштич иттилоъ дод.