Шарифи Мисайзод, яке аз маъруфтарин ровиёни радио дар синни 50 аз олам рафт. Ӯ, ки аз касалии қалб ранҷ мекашид, чанд моҳи охир дар бистари беморӣ буд.

Шарифи Мисайзод 8 январи соли 1966 ба дунё омада, хатмкардаи бахши забоншиносии Донишгоҳи давлатии Тоҷикистон буд. Соҳиби чор фарзанд мебошад.

Шарифи Мисайзод соли 2014 барои барномаи “Салому алейкум, диёрам!” ҷоизаи беҳтарин радиожурналисти сол дар озмуни “Ҷило”-ро ба даст овардааст. Узви Иттифоқи журналистони Тоҷикистон, Аълочии матбуот ва Аълочии радио ва телевизион мебошад.