Дар шаҳри Душанбе 1707 нуқтаи партовгоҳҳо мавҷуд буда, ҳамаи онҳо сари вақт тоза карда мешаванд.

Дар ин бора Шерализода Баҳодур, раиси Кумитаи ҳифзи муҳити зисти назди Ҳукумати Ҷумҳурии Тоҷикистон зимни нишасти матбуотӣ хабар дод.

Ӯ зикр намуд, инчунин барои ободу зебо гардонидани кӯчаю хиёбонҳо ва гулгаштаҳо дар мавсими ниҳолшинонӣ ва кабудизоркунӣ дар ҳудуди шаҳру ноҳияҳо ба миқдори 37 325 954 бех гулу буттаҳо шинонида шудаанд. Мақсади кабудизоркунии гирду атроф аз он иборат аст, ки аҳолии кишвар ба бемориҳои сироятӣ камтар гирифтор шуда, дар ҳавои тоза сайру гашт намоянд. Аз ин шумора дар соли 2021, 1 618 730 бех навниҳолҳои ҳамешасабзи ороишӣ ва мевадиҳанда шинонида шуд, ки айни ҳол дар ҳолати хуб қарор доранд.