Соли 2025 гардиши савдои хориҷии вилояти Суғд 4544,3 миллион долларро ташкил дод, ки нисбат ба соли 2024 1238,8 миллион доллар зиёд буда, афзоиш 37,5 фоизро ташкил медиҳад.

Дар ин бора зимни нишасти матбуотӣ Раҷаб Аҳмадзода раиси вилояти Суғд ба намояндагони воситаҳои ахбори омма маълумот дод.

Гуфта шуд, ки вилояти Суғд бо 66 кишвар, аз ҷумла бо 11 кишвари ИДМ ва 55 кишварҳои хориҷи дур муносибати савдои хориҷӣ дорад.

Дар давраи ҳисоботӣ содироти мол аз вилояти Суғд ба хориҷи кишвар ба маблағи 1705,3 миллион долларро ташкил дода, ин рақам нисбат ба соли 2024 1,6 баробар, ё худ 670,4 миллион доллар зиёд шудааст.

- Дар моҳҳои январ-декабри соли 2025 содироти меваи тару тоза 1,6 баробар, меваи хушк 15,1 фоиз, пиёзи тару тоза 37,3 фоиз, ангишт 3,1 баробар, маҳсулоти маъданӣ 13 фоиз, чормағзи заминӣ 12,6 фоиз ва пахта 1,6 фоиз зиёд шудааст, - иброз дошт раиси вилояти Суғд.

Субҳиддин ҚОДИРОВ, “ҶТ”