ҶОМЕА
Сешанбе 24 Ноябр 2020 01:29
953
8 июни соли равон дар шаҳри Душанбе Султон Мирзошоев баъди бемории кӯтоҳ дар 84-солагӣ аз олам даргузашт.

Султон Шарипович Мирзошоев 9 январи соли 1932 дар ноҳияи Данғара таваллуд шудааст. Ӯ яке аз ходимони намоёни давлатии Тоҷикистон буда, баъди хатми Донишкадаи омӯзгории шаҳри Кӯлоб ва Мактаби олии ҳизбӣ дар шаҳри Маскав аз соли 1960 то соли 1990 дар вазифаҳои котиби якуми КМ Комсомоли Тоҷикистон, нозири (инспектори) КМ ҲКТ, раиси Кумитаи давлатии кинематография, вазири фарҳанги Тоҷикистон, намояндаи домии Шӯрои вазирони Тоҷикистон дар назди Шӯрои вазирони собиқ ИҶШС дар Маскав, котиби якуми кумитаи ҲКТ дар собиқ вилояти Кӯлоб кор кардааст. Султон Мирзошоев аввалин роҳбари Дастгоҳи иҷроияи Президенти Ҷумҳурии Тоҷикистон (1993-1994) буд. Баъдан, то дами ба нафақа рафтанаш ба ҳайси директори Маҷмаи давлатии «Кохи Ваҳдат» кор кардааст. Фаъолияти пурсамар ва гуногунҷабҳаи ӯ бо ордени «Дӯстӣ», унвони фахрии «Корманди шоистаи Тоҷикистон» ва дигар мукофоти давлатӣ қадрдонӣ шудааст.

Султон Мирзошоев узви Иттифоқи нависандагони Тоҷикистон, Иттифоқи журналистони Тоҷикистон, Иттифоқи кинематографони Тоҷикистон ва муаллифи китобҳои «Борис Кимёгаров», «Роҳи кинои тоҷик», «Бозгашти хотира», «Сулҳофар» ва ғайраҳо мебошад.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Ноябр 2020 c.