ҶОМЕА
Шанбе 31 Октябр 2020 06:37
7335
Имрӯз аз тарафи рӯзномаи “Ҷавонони Тоҷикистон” ба Муассисаи давлатии “Китобхонаи миллии Тоҷикистон” 10 нусха китоби “Пири дилҷавон”, ки бахшида ба 90-солагии рӯзнома ба табъ расид ва нашри махсуси рӯзнома, ки дар ҳаҷми 90 саҳифа чоп гардид, тақдим карда шуд.

Китоби мазкур ва нашри махсуси рӯзномаро Файзализода Ҷумахон Хол, директори Китобхонаи миллӣ бо хушнудӣ қабул карда, аз ин иқдоми рӯзномаи “Ҷавонони Тоҷикистон” изҳори сипосу хушнудӣ намуд.

Зимни тақдими китоб ва чопи махсуси рӯзнома Файзализода Ҷумахон Хол, директори Китобхонаи миллӣ нахуст аҳли эҷоди рӯзномаи "Ҷавонони Тоҷикистон"-ро ба иди 90-солагии рӯзнома табрик намуда, иброз дошт, ки ин китоб, яъне “Пири дилҷавон” ва нашри махсуси рӯзномаи “Ҷавонони Тоҷикистон” таърихи 90 солаи ҷавонон мебошад. Ӯ гуфт: рӯзномаи “Ҷавонони Тоҷикистон” рӯзномаест, ки дар он устодони бузург, аз қабили устод Мирзо Турсунзода, Турсун Улҷабоев, Гулназар Келдӣ, Лоиқ Шералӣ ва дигарон кору фаъолият кардаанд”.

КИТОБ.jpg

Ёдовар мешавем, ки имсол аз нашри аввалин шумораи рӯзномаи “Ҷавонони Тоҷикистон” 90 сол пур гардида, тақдим гардидани китоби “Пири дилҷавон” ва нашри махсуси рӯзнома дар ҳаҷми 90 саҳифа ба Китобхонаи миллӣ дар огаҳ гардидани хонандагон аз таърихи заррини 90-солаи рӯзнома мусоидат хоҳад кард.

Беҳрӯз ХОЛМУРОДОВ,
Рустам ОДИНАЕВ,
“ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
28 29 30 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Октябр 2020 c.