Имрӯз, 23 феврал, Рӯзи Артиши миллӣ дар Қасри фарҳанги шаҳри Ваҳдат ботантана таҷлил шуд.

Дар ифтитоҳ Суруди миллӣ садо дода, ба чорабинӣ фазои сиёсӣ зам кард. Сипас, табрикоти раиси шаҳри Ваҳдат аз тарафи муовини раиси шаҳр Хоҷазода Фарзона қироат шуда, ба панҷ нафар собиқадори ҷанги интернатсионалистӣ орденҳои ҷашнӣ тақдим гардид.



Мудири Бахши ҷавонон, варзиш ва сайёҳии шаҳри Ваҳдат Азиззода Маъруфҷон низ дар навбати худ ҳозиринро табрик намуда, ғолибони мусобиқаи ҳарбӣ-варзишии "Ватанпарвар"-ро бо ҷом ва ифтихорномаҳои Бахши ҷавонон, варзиш ва сайёҳӣ сарфароз намуд.

Баъдан, аз тарафи ҳунармандони ҷавони Қасри фарҳанг барномаи ҷолиби консертӣ, иборат аз сурудҳои ватанпарастона, саҳначаҳои ҳаҷвӣ ва рақсҳои ҷаззоб манзур гардонида шуд.