Бо ибтикори Бахши кор бо ҷавонон ва варзиши шаҳри Кӯлоб ҷиҳати расонидани муҳтавои Паёми Президенти кишвар ба Маҷлиси Олӣ дар толори муассисаи таҳсилоти миёнаи умумии №34-и шаҳр бо ҷавонон вохӯрӣ доир гардид.

Зимни вохӯрӣ гуфта шуд, ки ҷавонон бояд нисбати ободонию созандагии меҳан фаъол бошанду бештар ба варзиш машғул шуда, ба ҳар гуна равияҳои ифротгаро ва экстремистӣ фирефта нагарданд.

Ҳамзамон чунин чорабинӣ бо иштироки хонандагони муассисаҳои таҳсилоти  миёнаи  умумии шаҳри Кӯлоб дар Маркази ҷавонони шаҳр гузаронида шуда, ба таъкиди масъулин ҳадаф аз баргузории вохӯриҳо расонидани нуқтаҳои асосии Паём ба хонандагони муассисаҳои таҳсилоти миёнаи умумӣ мебошад.