Бино ба таъкиди Агентии меҳнат ва шуғли аҳолии шаҳри Бохтар дар се моҳи аввали соли 2019  473 шаҳрвандони бекор барои дарёфти ҷойи кор муроҷиат намуданд, ки аз ин шумора 456 корҷӯй ба қайд гирифта шуда, 251 нафар ба кори доимӣ ва мавсимӣ таъмин гаштаанд.
  
Ба гуфтаи  А. Назиров, сардори шуъбаи Агентии меҳнат ва шуғли аҳолии шаҳр дар се моҳи аввали соли ҷорӣ 3 ярмаркаҳои ҷойҳои кори холӣ ва вазифаҳои озод гузаронида шуда, дар ин ярмаркаҳо 44 ташкилоту муассисаҳо иштирок карданд ва 112 ҷойҳои кории холӣ пешниҳод намуданд, ки дар натиҷа 36 нафар бо ҷойи кори доимӣ таъмин гардиданд.