Чанде пеш дар шаҳри Кӯлоб бо ибтикори Раёсати кор бо занон ва оилаи мақомоти иҷроияи ҳокимияти давлатии вилояти Хатлон чорабинӣ аз рӯи усули фардии “Хона ба хона” доир намуданд.

Тавре аз ҳукумати вилоят ба мо хабар доданд, мақсад аз гузаронидани чорабинӣ пешгирии бекоршавии ақди никоҳ, вайроншавии оилаҳои ҷавон, пешгирии бегонапарастӣ миёни занону духтарон ва тарғибу ташвиқи либоси миллӣ мебошад.

Ба таъкиди масъулин зимни чорабинӣ дар 250 хона бо 1250 оила вохӯрию сӯҳбатҳо гузаронида шуда, дар дигар шаҳру ноҳияҳои вилоят низ чунин вохӯриҳо доир карда мешаванд.