Дар арафаи ҷашни 26-солагии Истиқлолияти давлатӣ дар маркази ноҳияи Темурмалик сехи адрасбофӣ ба истифода дода шуд.

Зимни ифтитоҳи расмии коргоҳи омӯзишию истеҳсолии адрасбофӣ раиси ноҳия Аслзода Эмомиддин, мудири Бахши кор бо ҷавонон ва варзиши ноҳия Аслиддин Гадозода ва сокинони ноҳия иштирок намуданд.

Коргоҳи мазкур дар ҳамкори бо Бонки рушди Созмони Миллали Муттаҳид дар асоси лоиҳаи “Баланд бардоштани сатҳи некуаҳволии мардуми деҳоти 9 ноҳияи Ҷумҳурии Тоҷикистон” ба маблагӣ 493 900 сомонӣ бунёд гардидааст.

Коргоҳ иборат аз утоқи кории роҳбар, толори таълимӣ ва истеҳсолӣ муҷаҳаз бо 15 адад дастгоҳҳои адрасбофӣ 10 мошинаи дарздӯзӣ ва дигар лавозимотҳои зарурӣ мебошад.

Дар корхона таъсиси ҷойҳои нави корӣ барои 20 нафар занони бешуғл, эҳёи ҳунарҳои миллӣ ва истеҳсоли адрас ташкил шудааст.

Инчунин, курсҳои кӯтоҳмуддати адрасбофӣ ва духти либосҳо аз матои адрасро ба занону ҷавондухтарони ноҳия меомӯзонанд.

Умед МИРЗОЕВ, “ҶТ”