ТУҲФАИ ГУЛДУХТАРОНИ РӮЗНОМАИ “ҶАВОНОНИ ТОҶИКИСТОН”

Ё миннатдорӣ аз минбари “Ҷавонон...” ба диловарони Ватан

Ба муносибати 30-солагии Қувваҳои Мусаллаҳи Ҷумҳурии Тоҷикистон Муассисаи давлатии рӯзномаи “Ҷавонони Тоҷикистон” шумораи ҷашнии худро дар шакли ранга аз чоп баровард. Бонувони рӯзнома ба хотири сипос гуфтан ба муҳофизони Ватан, имрӯз дар назди бинои Кохи Борбад баъд аз мулоқоти Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон бо афсарону сарбозони Артиши миллӣ аксия гузарониданд.

Дар доираи аксияи мавриди назар шумораи ҷашнии рӯзнома, ки пурра фарогири қаҳрамонию ҷоннисорӣ ва далерии муҳофизони Ватан буд, ба хизматчиёни ҳарбии сохторҳои низомӣ ва мақомоти ҳифзи ҳуқуқ таҳдим гардид.