Ба иттилои Вазорати корҳои дохилӣ шумораи нашъамондон дар соли 2019 нисбати соли 2018 коҳиш ёфтааст. Дар ин бора вазири корҳои дохилӣ, Раҳимзода Рамазон Ҳамро дар нишасти матбуотӣ ба рӯзноманигорон иттилоъ дод.

“Дар соли 2019 шумораи нашъамандон дар ҷумҳурӣ 5375 нафарро ташкил дода, аз шумора 128 нафарашонро занон ташкил медиҳанд. Бояд гуфт, ки дар соли 2019 нисбат ба соли 2018 949 нафар нашъамандон кам гардидаанд”,-иброз дошт вазир.

Ҳамзамон дар нишаст гуфта шуд, ки дар соли 2019 дар ҷумҳурӣ 21 ҳазору 969 ҷиноят содир шуда, аз ин шумора 85,8 фоизаш ошкор гардидааст. Аз ин ҳисоб 11 ҳазору 309 ё ин ки 62 фоизи ҷиноятҳо аз тарафи мақомоти корҳои дохилӣ ошкор шудааст. Дар соли 2019 90 ҳолати одамкушӣ, қасдан расонидани зарари вазнин ба саломатӣ-126, таҷовуз ба номус-46, роҳзанӣ-28, адамрабоӣ-5, ғоратгарӣ-140, авбошӣ-1139, қаллобӣ-2294, дуздӣ-5328, тамаъҷӯӣ-32 ва дигар ҷиноятҳо ба қайд гирифта шудааст.

Сабаби кам гардидани баъзе ҷиноятҳоро мақомот дар баланд шудани маърифати ҳуқуқии шаҳрвандон арзёбӣ намуданд.