ҶОМЕА
Якшанбе 08 Сентябр 2024 04:36
![10371](/upload/iblock/b0a/1%2B.jpg)
19 май дар шаҳри Хоруғ Дави миллӣ ва марафони велосипедронӣ баргузор шуд, ки дар он намояндагони қишрҳои гуногуни ҷомеа, аз ҷумла кормандони идораю муассисаҳои вилоятию шаҳрӣ, муассисаҳои олӣ ва таҳсилоти миёнаи касбӣ, донишҷӯёни муассисаҳои олӣ ва наврасону ҷавонон иштирок намуданд.
Макони баргузории чорабинӣ аз назди майдони Исмоили Сомонӣ то Боғи Ғалаба муайян гардид.
Раиси ВМКБ Мирзонабот Алишер Худобердӣ зимни ифтитоҳи чорабинӣ зикр кард, ки Ҳукумати Ҷумҳурии Тоҷикистон аз рӯзҳои аввали ба даст овардани Истиқлоли давлатӣ, таҳти роҳбарию роҳнамоии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳкими тарзи ҳаёти солим ва оммавӣ гардонидани варзишро дар меҳвари сиёсати иҷтимоии худ қарор додааст. Бо дастгирӣ ва сиёсати варзишпарваронаи Сарвари давлат барои рушди варзиш як қатор санадҳои меъёриву ҳуқуқӣ таҳия ва тасдиқ гардида, сохтмон ва ба истифода додани иншооти варзишӣ низ дар солҳои минбаъда ба таври густурда тавсеа ёфт. Дар шаҳру ноҳияҳои мамлакат садҳо иншооти муосир – варзишгоҳҳо, толору майдонҳои варзишӣ мавриди истифода қарор дода шуда, сатҳи иштироки варзишгарони мо дар олимпиада ва мусобиқаҳои байналмилалӣ низ ба маротиб беҳтар гардид.
Қайд гардид, ки рост омадани Дави миллӣ дар моҳи ҷавонон басо рамзӣ буда, аз эҳтирому эътимоди Ҳукумати Ҷумҳурии Тоҷикистон, хоса Пешвои миллат муҳтарам Эмомалӣ Раҳмон ба ин қишри ояндасози ҷомеа гувоҳӣ медиҳад.
- Рӯ овардан ба варзиш ва интихоби тарзи ҳаёти солим яке аз василаҳои муҳими рушд ва таҳкими ғояҳои ватандӯстӣ миёни ҷомеа, бахусус наврасону ҷавонон мебошад. Зеро дар ҷаҳони имрӯза, мо бояд ҳар чи бештар ғояҳои ватандӯстию ҳуввияти миллиро дар ҷомеа талқину роҳандозӣ намоем. Ба тарбияи дурусти фарзандонамон диққати аввалиндараҷа равона намуда, дар таҳкими пояҳои ваҳдату истиқлолият, ки асоси меҳварии ҳастии миллатро ифода менамоянд, ҳарчи бештар ҳиссагузор бошем, - гуфт раиси вилоят.
Сипас, аввал марафони велосипедронӣ ва баъдан Дави миллӣ то макони таъинот дар сатҳи баланд доир шуд.
Садоншо ҶАНОБИЛШОЕВ, “ҶТ”
Макони баргузории чорабинӣ аз назди майдони Исмоили Сомонӣ то Боғи Ғалаба муайян гардид.
Раиси ВМКБ Мирзонабот Алишер Худобердӣ зимни ифтитоҳи чорабинӣ зикр кард, ки Ҳукумати Ҷумҳурии Тоҷикистон аз рӯзҳои аввали ба даст овардани Истиқлоли давлатӣ, таҳти роҳбарию роҳнамоии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳкими тарзи ҳаёти солим ва оммавӣ гардонидани варзишро дар меҳвари сиёсати иҷтимоии худ қарор додааст. Бо дастгирӣ ва сиёсати варзишпарваронаи Сарвари давлат барои рушди варзиш як қатор санадҳои меъёриву ҳуқуқӣ таҳия ва тасдиқ гардида, сохтмон ва ба истифода додани иншооти варзишӣ низ дар солҳои минбаъда ба таври густурда тавсеа ёфт. Дар шаҳру ноҳияҳои мамлакат садҳо иншооти муосир – варзишгоҳҳо, толору майдонҳои варзишӣ мавриди истифода қарор дода шуда, сатҳи иштироки варзишгарони мо дар олимпиада ва мусобиқаҳои байналмилалӣ низ ба маротиб беҳтар гардид.
Қайд гардид, ки рост омадани Дави миллӣ дар моҳи ҷавонон басо рамзӣ буда, аз эҳтирому эътимоди Ҳукумати Ҷумҳурии Тоҷикистон, хоса Пешвои миллат муҳтарам Эмомалӣ Раҳмон ба ин қишри ояндасози ҷомеа гувоҳӣ медиҳад.
- Рӯ овардан ба варзиш ва интихоби тарзи ҳаёти солим яке аз василаҳои муҳими рушд ва таҳкими ғояҳои ватандӯстӣ миёни ҷомеа, бахусус наврасону ҷавонон мебошад. Зеро дар ҷаҳони имрӯза, мо бояд ҳар чи бештар ғояҳои ватандӯстию ҳуввияти миллиро дар ҷомеа талқину роҳандозӣ намоем. Ба тарбияи дурусти фарзандонамон диққати аввалиндараҷа равона намуда, дар таҳкими пояҳои ваҳдату истиқлолият, ки асоси меҳварии ҳастии миллатро ифода менамоянд, ҳарчи бештар ҳиссагузор бошем, - гуфт раиси вилоят.
Сипас, аввал марафони велосипедронӣ ва баъдан Дави миллӣ то макони таъинот дар сатҳи баланд доир шуд.
Садоншо ҶАНОБИЛШОЕВ, “ҶТ”
Эзоҳи худро нависед