ҶОМЕА
Ҷумъа 19 Апрел 2024 04:47
МУАЛЛИФ: МАШҲУР ИМОМНАЗАРОВ
Боришоти беисти рӯзҳои охир боис шуд, ки дар самти шоҳроҳи Хоруғ-Шуғнон-Мурғоб муддати се рӯз зиёда аз 38 тарма фуромад. Дар ин бора Имомдод Мамадфозилов, сармуҳандиси муассисаи давлатии нигаҳдории роҳҳои автомобилгарди минтақаи Ғунди ноҳияи Шуғнон хабар дода, гуфт, ки ҳоло дар тавозуни муассиса зиёда аз 240 киллометр роҳҳои мошингарди аҳамияти байналмилалидошта қарор дорад ва ҷиҳати сари вақт тоза намудани роҳҳо тамоми техникаи кории муассиса истифода бурда мешавад.
Ба гуфтаи номбурда, дар ҳудуди мавзеи Барсеми ҷамоати Сучон роҳсозон кӯшиш доранд, ки роҳро дар ду баст аз ҳар ду тараф яъне Шуғнон-Хоруғ ва Хоруғ-Шуғнон аз барфу тарма тоза намоянд.
Ҳамчунин, хатсайрии автомобилгарди Хоруғ – Ишкошим дар фаслҳои зимистону аввалҳои баҳор аз хатсайрҳои осебпазир дар ВМКБ ба ҳисоб рафта, нигаҳдории он бар зиммаи муассисаи давлатии роҳҳои автомобилгарди ноҳияи Шуғнон ва қисмати дигараш ба ноҳияи Ишкошим вогузор карда шудааст.
Таи чанд рӯзи охир бар асари боришоти зиёд аз маҳаллаи Ниводаки Хоруғ то ноҳияи Ишкошим беш аз 75 тарма фуромад, ки масъулини нигаҳдории роҳҳо қисмати зиёди онҳоро тоза карданд. Лекин эҳтимолияти тармафароӣ то ҳол аз байн нарафтааст.
Тавре мутахассисони роҳсозии вилоят изҳор доштанд, имконияти тоза намудани роҳҳо то нисфирӯзӣ вуҷуд дорад. Вале агар боду ҳаво рӯзона яку якбора гарм шавад, ба роҳсозон лозим меояд, ки иҷборан тарматозакуниро қатъ кунанд.
Бояд гуфт, ки новобаста аз натиҷаҳои боришоти шадиди рӯзҳои охир таъмини маҳсулоти ниёзи мардум, аз қабили озуқавориву хурокворӣ дар бозорҳои марказии шаҳру навоҳии ВМКБ ва фурӯшгоҳҳо мувофиқи талабот ба роҳ монда шудааст.
Боришоти беисти рӯзҳои охир боис шуд, ки дар самти шоҳроҳи Хоруғ-Шуғнон-Мурғоб муддати се рӯз зиёда аз 38 тарма фуромад. Дар ин бора Имомдод Мамадфозилов, сармуҳандиси муассисаи давлатии нигаҳдории роҳҳои автомобилгарди минтақаи Ғунди ноҳияи Шуғнон хабар дода, гуфт, ки ҳоло дар тавозуни муассиса зиёда аз 240 киллометр роҳҳои мошингарди аҳамияти байналмилалидошта қарор дорад ва ҷиҳати сари вақт тоза намудани роҳҳо тамоми техникаи кории муассиса истифода бурда мешавад.
Ба гуфтаи номбурда, дар ҳудуди мавзеи Барсеми ҷамоати Сучон роҳсозон кӯшиш доранд, ки роҳро дар ду баст аз ҳар ду тараф яъне Шуғнон-Хоруғ ва Хоруғ-Шуғнон аз барфу тарма тоза намоянд.
Ҳамчунин, хатсайрии автомобилгарди Хоруғ – Ишкошим дар фаслҳои зимистону аввалҳои баҳор аз хатсайрҳои осебпазир дар ВМКБ ба ҳисоб рафта, нигаҳдории он бар зиммаи муассисаи давлатии роҳҳои автомобилгарди ноҳияи Шуғнон ва қисмати дигараш ба ноҳияи Ишкошим вогузор карда шудааст.
Таи чанд рӯзи охир бар асари боришоти зиёд аз маҳаллаи Ниводаки Хоруғ то ноҳияи Ишкошим беш аз 75 тарма фуромад, ки масъулини нигаҳдории роҳҳо қисмати зиёди онҳоро тоза карданд. Лекин эҳтимолияти тармафароӣ то ҳол аз байн нарафтааст.
Тавре мутахассисони роҳсозии вилоят изҳор доштанд, имконияти тоза намудани роҳҳо то нисфирӯзӣ вуҷуд дорад. Вале агар боду ҳаво рӯзона яку якбора гарм шавад, ба роҳсозон лозим меояд, ки иҷборан тарматозакуниро қатъ кунанд.
Бояд гуфт, ки новобаста аз натиҷаҳои боришоти шадиди рӯзҳои охир таъмини маҳсулоти ниёзи мардум, аз қабили озуқавориву хурокворӣ дар бозорҳои марказии шаҳру навоҳии ВМКБ ва фурӯшгоҳҳо мувофиқи талабот ба роҳ монда шудааст.
Хабарҳои дигар
Рӯзнома
Эзоҳи худро нависед