Имрӯз дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон вохӯрии судманд баҳри татбиқи Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” баргузор гардид.

Раиси Кумита дар суханронии худ вобаста ба зарурати қабули ин қонун, ҳадаф, принсипҳо ва самтҳои тарбияи ватандӯстӣ, баланд бардоштани ҳуввияти миллӣ, маърифати сиёсию ҳуқуқӣ, зиракии сиёсӣ, пешгирии ҷинояту қонуншиканиҳо, пешгирии шомилшавии баъзе ҷавонон ба ҳизбу ҳаракатҳои иртиҷоӣ ҳарф зад.

Дар идомаи вохӯрӣ барои фаъолияти арзанда ва судманд ба як қатор кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон Сипосномаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон тақдим гардид.

Амони МУҲАММАД, “ҶТ”