Дар деҳаҳои Тавдему Хидорҷефи ҷамоати Қурбоншоҳ Гадолиеви ноҳияи Роштқалъа мулоқоти мудирони Бахши кор бо ҷавонон ва варзиш, Шуъбаи кор бо занон ва оилаи ноҳия Зуҳро Муллоикматова ва Марзия Фитурова бо сокинони ҷамоат гузашт.

Инчунин дар вохӯрӣ Фаросатмо Ғаюрова, намояндаи ташкилоти ҷамъиятии “Занон ва адолат” ширкат намуда, дар он асосан масоили зӯроварӣ дар оила, даъвати тирамоҳии ҷавонон ба хизмати ҳарбӣ, масъулияти падару модар дар таълиму тарбияи фарзанд баррасӣ гаштанд.

Дар фарҷом миёни сокинону мулоқотчиён суҳбати озоду ошкоро ба вуқуъ паваст ва сокинон ба пурсишҳои худ ҷавобҳои лозимӣ гирифтанд.