Дар толори маҷлисгоҳи мақомоти иҷроияи ҳокимияти давлатии ноҳияи Нуробод вохӯрии гурӯҳи корӣ бо роҳбарии раиси Кумитаи кор бо занон ва оилаи назди Ҳукумати Ҷумҳурии Тоҷикистон, Қосимзода Идигул Тағо бо аҳли ҷамоатчигии ноҳия доир шуд.

Ба таъкиди масъулин ҳадаф аз вохӯрӣ бо сокинони ноҳия омодагӣ ба ҷашни 22-солагии Рӯзи Ваҳдати миллӣ ва тайёрии ҳамаҷониба ба ташрифи меҳмони олиқадр, Асосгузори сулҳу ваҳдати миллӣ-Пешвои миллат, муҳтарам Эмомалӣ Раҳмон мебошад.

Зимни вохӯрӣ баромадкунандагон оиди дастовардҳои даврони соҳибистиқлолии кишвар, нуктаҳои Паёми Президенти Ҷумҳурии Тоҷикистон ба Маҷлиси Олии мамлакат, тарғиби мардум ба корҳои ободониву созандагӣ ва дигар масъалаҳо ибрози назар карданд.