Бо ибтикори Раёсати кор бо ҷавонон ва варзиши вилояти Хатлон ва Раёсати кор бо занон ва оилаи вилоят дар ҷамоати деҳоти Яккаддини ноҳияи Ҷайҳун бо сокинон вохӯрӣ доир шуд.

Ба гуфтаи маъсулин ҳадаф аз вохӯрӣ бо сокинони ҷамоат баррасии дастовардҳои даврони соҳибистиқлолии кишвар, ҳифзи робитаҳои дӯстонаи Тоҷикистон бо кишварҳои ҳамсоя, ҳамкорӣ бо ҷомеаи шаҳрвандӣ, дастгирии созандаи роҳбарияти давлат мебошад.

Зимни вохӯрӣ баромадкунандагон оид ба тарғиби мардум ба корҳои ободониву созандагӣ баҳри зебоии кишвар ва дигар масоили рӯз суханронӣ намуданд.