Бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон, Шуъбаи кор бо занон ва оилаи мақомоти иҷроияи ҳокимияти давлатии шаҳри Кӯлоб ва Бахши кор бо ҷавонон ва варзиши шаҳри мазкур дар Донишгоҳи давлатии Кӯлоб вохӯрӣ доир гардид.
 
Дар вохӯрии мазкур занони хонашин, донишҷӯён, омӯзгорон, кормандони соҳаи тиб, имомхатибон ва дигар шахсон иштирок намуданд.

Мақсад аз гузаронидани вохӯрии мазкур баланд бардоштани ҳисси ватандӯстиву ҳуввияти миллии ҷавонон, арҷ гузоштан ба арзишҳои милливу фарҳангӣ, тарғиби либоси миллӣ ва пешгирии бегонапарастӣ арзёбӣ гардид.