ҶОМЕА
Душанбе 17 Июн 2024 12:56
10336
13 майи соли ҷорӣ дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода, вазири тандурустӣ ва ҳифзи иҷтимоии аҳолии кишвар бо намояндагони Бонки ҷаҳонӣ вохӯрӣ анҷом дод.

Нахуст Ҷамолиддин Абдуллозода меҳмононро хушомадед гуфта, миннатдории худро аз номи Ҳукумати Ҷумҳурии Тоҷикистон барои дастгириҳои пайвастаи соҳаи тандурустӣ ва ҳифзи иҷтимоии аҳолии мамлакат ба Бонки ҷаҳонӣ изҳор намуд.

Гуфта шуд, ки дар кишвар бо маблағгузории бонки мазкур дар соҳаи тандурустӣ ва ҳифзи иҷтимоии аҳолӣ якчанд лоиҳаҳо бомуваффақият амалӣ шуда, ин нишона аз ҳамкориҳои мутақобилан судманди ин бонк бо Ҳукумати Ҷумҳурии Тоҷикистон, хоса бо Вазорати тандурустӣ ва ҳифзи иҷтимоии аҳолии мамлакат дарак медиҳад.

Таъкид гардид, ки лоиҳаи “Миллати солим” дар доираи татбиқи “Стратегияи миллии ҳифзи саломатии аҳолии Ҷумҳурии Тоҷикистон барои давраи то соли 2030” таҳия гардида, ҳадафи он боз ҳам беҳтар намудани сатҳ ва сифати хизматрасонии тиббӣ ба аҳолӣ дар кишвар мебошад.

Инчунин дар идома иштирокчиён доир ба самтҳои гуногуни лоиҳаи “Миллати солим” мубодилаи афкор намуданд.

Гулафшон КАРИМОВА, “ҶТ”

Эзоҳи худро нависед



Рамзҳо дар расм