Бо ибтикори бахши ҷавонон, варзиш ва сайёҳии шаҳри Кӯлоб ва шӯъбаи Агентии меҳнат ва шуғли аҳолии шаҳр 5 май бахшида ба “Соли ҷавонон” дар Боғи фарҳангӣ- фароғатии шаҳр ярмаркаи ҷойҳои кори холӣ ва вазифаҳои озод баргузор шуд.
  
Дар он Ғиёсиддин Достиев, мудири бахши ҷавонон, варзиш ва сайёҳии шаҳр, Махфират Каримова, сардори шӯъбаи Агентии меҳнат ва шуғли аҳолии шаҳр, Насриддинзода Рамазон, намояндаи мақомоти шаҳри Кӯлоб ва сардорони дигар ташкилоту муассисаҳо иштирок намуданд.

Махфират Каримова, гуфт, ки шӯъбаи Агентии меҳнат ва шуғли аҳолии шаҳр тасим гирифтааст, ки минбаъд ҳамингуна ярмакаҳои ҷойи кори холиро дар дигар ҷамоатҳои шаҳр низ гузаронад.

Дар ярмаркаи мазкур 185 ҷойи кори холӣ аз тарафи 14 ташкилоту муассисаҳои шаҳр пешниҳод гардид, ки 107 нафар корҷуён ширкат намуда, аз ин шумора 10 нафари онҳо ба кор таъмин, 20 нафари дигар ба омӯзиш фиристода шуданд.
  
Инчунин аз ҷониби Бахши ҷавонон, варзиш ва сайёҳии шаҳри Кӯлоб 30 нафар ҷавондӯхтарон ба курсҳои кӯтоҳмуддати дӯзандагӣ ҷалб карда шуданд.

Умед Мирзоев, "ҶТ"