Ёқубҷон Абдуманонзода, сармуҳаррири рӯзномаи “Халқ овози” ғолиби озмуни байналмилалии “Килки тиллоӣ” (Олтин қалам)-и Иттифоқи журналистони Ӯзбекистон шуд. 

Ӯ дар бахши “Беҳтарин мақолаи журналистони хориҷӣ дар бораи Ӯзбекистон” ғолиб дониста шуда, ба озмун журналистони зиёди хориҷӣ маводи худро пешниҳод карда буданд.

Ёқубҷон Абдуманонзода, сармуҳаррири рӯзномаи “Халқ овози” дар баробари рӯноманигорон аз Британияи Кабир, Беларус, Малайзия ва Ҷумҳурии Мисри Араб барои силсиламақолаҳояш, ки ба мавзӯи муносибатҳои дӯстиву шарикии стратегии Тоҷикистону Ӯзбекистон бахшида шудаанд, бо ин ҷоиза сарфароз гардидааст. 

Озмуни байналмилалии “Килки тиллоӣ” (Олтин қалам) ҳамасола аз ҷониби Иттифоқи эҷодии журналистони Ӯзбекистон доир гардида, ҳадаф аз он инъикоси мавзӯъҳои марбут ба дӯстиву ҳамҷавории Ӯзбекистон бо кишварҳои хориҷист.