ҶОМЕА
Якшанбе 08 Сентябр 2024 05:44
![7872](/upload/iblock/e34/%2B3.jpg)
Зан - модар сарчашмаи бавуҷудоварандаи насли башар ва таълимдиҳандаи ҷомеа ба шумор рафта, дар густариши соҳаҳои ҳаётан муҳими кишвар нақши бориз дорад. Ҳанӯз аз солҳои аввали соҳибистиқлолии мамлакат барои занону бонувон имкониятҳои фарох фароҳам оварда шуда, онҳо дар тамоми самтҳои афзалиятноки ҷомеа нақши калидӣ доранд. Имрӯз дар сохторҳои давлатии кишвар сафи занҳои роҳбар дар ҳоли афзоиш аст.
Тибқи иттилои Агентии хизмати давлатии назди Президенти Ҷумҳурии Тоҷикистон то якуми январи соли 2021 дар соҳаи хизмати давлатӣ аз шумораи умумии 5718 нафар кадрҳои роҳбарикунанда 1098 ва ё 19,2 фоизро занон ташкил медиҳанд, ки нисбат ба ҳамин давраи соли гузашта, 51 нафар зиёд мебошад. Ин нишондод шаҳодати истиқлолияти комили кишвар ва инкишофи фаъолияти зани тоҷик дар ҷомеа мебошад. Заҳматҳои софдилонаю инсонпарваронаи бонувон аз мадди назари Сарвари давлат дур набуда, ба ин қишри инсонофари ҷомеа таваҷҷуҳи хоса доранд.
“Нақши зан - модари тоҷик дар ҳифзи музаффариятҳои даврони соҳибистиқлолӣ ва таҳкими пояҳои нави¬ни давлатдории миллӣ бузургу беназир арзёбӣ гардидааст. Давлат ва Ҳукумати Ҷумҳурии Тоҷикистон аз солҳои нахустини соҳибистиқлолӣ рисолати инсонофариву ҳаётбахшии занонро ҳамеша қадр намуда, ба сиришти поку номи нек ва заҳмату фидокориҳои онҳо дар ҳама соҳаҳои ҳаёти ҷомеа ҳамеша арҷ мегузорад”. Ин нуктаро Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон дар яке аз баромадҳои худ зикр намуданд. Дар ин росто аз бонувони кишвар даъват ба амал оварданд, ки аз имкониятҳои ҷойдошта, васеъ истифода намоянду саҳми худро барои ободии диёр гузоранд.
Дар воқеъ, бонувони тоҷик бо ҳунару заковат, ғайрату дониш, маҳорати забондонӣ ва одобу нафосати шарқиёна дар таҳкими пояҳои навини давлатдории Тоҷикистони соҳибистиқлол саҳми назаррас доранд. Дар доираи татбиқи “Барномаи давлатии тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон аз ҳисоби занону духтарони лаёқатманд барои солҳои 2017-2022” соли 2020 як нафар зан ба мансаби муовини Сарвазири Ҷумҳурии Тоҷикистон, ду нафар вазир ва ду нафари дигар ба вазифаи раисони ноҳияҳо таъин гардиданд.
Мувофиқи таҳлилҳои Кумитаи кор бо занон ва оилаи назди Ҳукумати Ҷумҳурии Тоҷикистон натиҷаи интихоботи вакилон дар соли 2020 нишон дод, ки ба Маҷлиси миллии Маҷлиси Олии кишвар 8 нафар зан ва ё 25,8 фоиз, инчунин ба Маҷлиси намояндагон 15 нафар ё 23,8 фоиз за¬нон интихоб шуданд, ки ин миқдор нисбат ба интихоботи қаблӣ афзудааст. Ҳукумати мамлакат ба қувваи бузург ва неруи тавоною созандаи занон эътимоди бузург дошта, минбаъд низ барои дастгирии онҳо дар тамоми самтҳо тадбирҳои амалӣ меандешад. Роҳандозии курси 6-моҳаи омӯзишии “Мактаби сарварони ҷавон” тақвияти гуфтаҳои болост. Ин ташаббуси наҷибу созанда аз ҷониби Кумитаи кор бо занон ва оилаи назди Ҳукумати Ҷумҳурии Тоҷикистон ба роҳ монда шуда, ҷиҳати ҷалби бештари духтарону занон ба хизмати давлатӣ ва дигар сатҳҳои роҳбарикунанда барои 50 нафар донишҷӯдухтарони фаъолу соҳибистеъдод пешбинӣ ва қабул гардидааст. Ҳамин аст, ки айни ҳол дар ин курс донишҷӯдухтарони фаъоли муассисаҳои таҳсилоти олии кишвар ҷалб ва ба таҳсил фаро гирифта шудаанд. Бояд гуфт, ки ин иқдом баҳри густариши фаъолияти мин¬баъдаи бонувон мусоидат менамояд.
Сарвари давлат дар Паёми навбатии худ ба Маҷлиси Олӣ қайд намуданд, ки: “Дар сиёсати иҷтимоии давлату Ҳукумати Тоҷикистон ба масъалаи баланд бардоштани мақоми занону бонувон дар ҳаёти ҷомеа диққати ҷиддӣ дода мешавад. Чунки занону бонувони тоҷик бо маърифати баланд ва дониши муосир метавонанд, дар таҳияи қонунҳои мутобиқ ба талаботи давру замон дар сатҳи касбии парлумони мамлакат, мусоидат ба солимии ҷомеа ва ҷалби он ба китобу ҳунаромӯзӣ, пешгирӣ аз зуҳуроти номатлуби минтақа ва ҷаҳон ва дар ин баробар тарбияи дурусти фарзандон нақши назаррас гузоранд”.
Сафи занону бонувон ба хизмати давлатӣ ва идоракунӣ торафт зиёд гардида, шумораи занон дар маҷлисҳои вакилони халқи шаҳри Душанбе ба 41,5 фоиз, вилояти Хатлон қариб 35 фоиз, вилояти Суғд беш аз 33 фоиз, Вилояти Мухтори Кӯҳистони Бадахшон зиёда аз 34 фоиз ва шаҳру ноҳияҳои тобеи ҷумҳурӣ қариб ба 30 фоиз расидааст.
Боиси ифтихор аст, ки аз 19210 нафар хизматчиёни давлатӣ 4485 (23,4 фоиз) нафарро занон ташкил медиҳанд. Дар Кумитаи кор бо занон ва оила бошад, зиёда аз 80 фоиз занон ба кор ҷалб гардидаанд. Саҳми занон ҷиҳати пешбурди соҳаҳои илму маориф ва тандурустӣ низ назаррас мебошад. Имрӯз дар соҳаи маорифи кишвар 73 фоиз ва тандурустӣ наздики 68 фоизро занон ташкил медиҳанд. Инчунин дар Хадамоти алоқа - 64 фоиз, Кумитаи забон ва истилоҳот - 60 фоиз, Вазорати адлия - 58 фоиз, Вазорати фарҳанг - 36,2 фоиз ва Агентии хизмати давлатӣ - 34,1 фоиз занон фаъолият менамоянд. Маврид ба зикри хос аст, ки занони шарафманди тоҷик дар дигар самтҳои ҳаётан муҳими ҷомеаи кунунӣ фаъолияти пурмаҳсул доранд.
Зан пеш аз ҳама модар буда, ҷиҳати бунёди оилаи солим ва тарбияи дурусти фарзанд дар радифи мард саҳмгузор аст. Имрӯз бо ифтихор метавон гуфт, ки зани тоҷик дар баробари фаъолияти давлатӣ, инчунин асолати аслии худ, ҳамсари хуб ва модари меҳрубон буданро фаромӯш насохта, муваффақона вазифаҳои бар зимма доштаашро иҷро менамояд.
Хизматҳои содиқона ва фаъолияти пурсамари бонувон аз ҷониби Ҳукумати кишвар қадр гардида, баҳри зиёд на¬мудани роҳбарони сохтору вазоратҳо аз ҳисоби занон табдирҳои судманд пешбинӣ ва амалӣ мегардад. Дар ин баробар умед бар он дорем, ки занони шарафманди тоҷик бо ғаюрию кордонӣ минбаъд низ дар ободонӣ ва пешрафти Тоҷикистони азиз саҳми бузург мегузоранд.
Тибқи иттилои Агентии хизмати давлатии назди Президенти Ҷумҳурии Тоҷикистон то якуми январи соли 2021 дар соҳаи хизмати давлатӣ аз шумораи умумии 5718 нафар кадрҳои роҳбарикунанда 1098 ва ё 19,2 фоизро занон ташкил медиҳанд, ки нисбат ба ҳамин давраи соли гузашта, 51 нафар зиёд мебошад. Ин нишондод шаҳодати истиқлолияти комили кишвар ва инкишофи фаъолияти зани тоҷик дар ҷомеа мебошад. Заҳматҳои софдилонаю инсонпарваронаи бонувон аз мадди назари Сарвари давлат дур набуда, ба ин қишри инсонофари ҷомеа таваҷҷуҳи хоса доранд.
“Нақши зан - модари тоҷик дар ҳифзи музаффариятҳои даврони соҳибистиқлолӣ ва таҳкими пояҳои нави¬ни давлатдории миллӣ бузургу беназир арзёбӣ гардидааст. Давлат ва Ҳукумати Ҷумҳурии Тоҷикистон аз солҳои нахустини соҳибистиқлолӣ рисолати инсонофариву ҳаётбахшии занонро ҳамеша қадр намуда, ба сиришти поку номи нек ва заҳмату фидокориҳои онҳо дар ҳама соҳаҳои ҳаёти ҷомеа ҳамеша арҷ мегузорад”. Ин нуктаро Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон дар яке аз баромадҳои худ зикр намуданд. Дар ин росто аз бонувони кишвар даъват ба амал оварданд, ки аз имкониятҳои ҷойдошта, васеъ истифода намоянду саҳми худро барои ободии диёр гузоранд.
Дар воқеъ, бонувони тоҷик бо ҳунару заковат, ғайрату дониш, маҳорати забондонӣ ва одобу нафосати шарқиёна дар таҳкими пояҳои навини давлатдории Тоҷикистони соҳибистиқлол саҳми назаррас доранд. Дар доираи татбиқи “Барномаи давлатии тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон аз ҳисоби занону духтарони лаёқатманд барои солҳои 2017-2022” соли 2020 як нафар зан ба мансаби муовини Сарвазири Ҷумҳурии Тоҷикистон, ду нафар вазир ва ду нафари дигар ба вазифаи раисони ноҳияҳо таъин гардиданд.
Мувофиқи таҳлилҳои Кумитаи кор бо занон ва оилаи назди Ҳукумати Ҷумҳурии Тоҷикистон натиҷаи интихоботи вакилон дар соли 2020 нишон дод, ки ба Маҷлиси миллии Маҷлиси Олии кишвар 8 нафар зан ва ё 25,8 фоиз, инчунин ба Маҷлиси намояндагон 15 нафар ё 23,8 фоиз за¬нон интихоб шуданд, ки ин миқдор нисбат ба интихоботи қаблӣ афзудааст. Ҳукумати мамлакат ба қувваи бузург ва неруи тавоною созандаи занон эътимоди бузург дошта, минбаъд низ барои дастгирии онҳо дар тамоми самтҳо тадбирҳои амалӣ меандешад. Роҳандозии курси 6-моҳаи омӯзишии “Мактаби сарварони ҷавон” тақвияти гуфтаҳои болост. Ин ташаббуси наҷибу созанда аз ҷониби Кумитаи кор бо занон ва оилаи назди Ҳукумати Ҷумҳурии Тоҷикистон ба роҳ монда шуда, ҷиҳати ҷалби бештари духтарону занон ба хизмати давлатӣ ва дигар сатҳҳои роҳбарикунанда барои 50 нафар донишҷӯдухтарони фаъолу соҳибистеъдод пешбинӣ ва қабул гардидааст. Ҳамин аст, ки айни ҳол дар ин курс донишҷӯдухтарони фаъоли муассисаҳои таҳсилоти олии кишвар ҷалб ва ба таҳсил фаро гирифта шудаанд. Бояд гуфт, ки ин иқдом баҳри густариши фаъолияти мин¬баъдаи бонувон мусоидат менамояд.
Сарвари давлат дар Паёми навбатии худ ба Маҷлиси Олӣ қайд намуданд, ки: “Дар сиёсати иҷтимоии давлату Ҳукумати Тоҷикистон ба масъалаи баланд бардоштани мақоми занону бонувон дар ҳаёти ҷомеа диққати ҷиддӣ дода мешавад. Чунки занону бонувони тоҷик бо маърифати баланд ва дониши муосир метавонанд, дар таҳияи қонунҳои мутобиқ ба талаботи давру замон дар сатҳи касбии парлумони мамлакат, мусоидат ба солимии ҷомеа ва ҷалби он ба китобу ҳунаромӯзӣ, пешгирӣ аз зуҳуроти номатлуби минтақа ва ҷаҳон ва дар ин баробар тарбияи дурусти фарзандон нақши назаррас гузоранд”.
Сафи занону бонувон ба хизмати давлатӣ ва идоракунӣ торафт зиёд гардида, шумораи занон дар маҷлисҳои вакилони халқи шаҳри Душанбе ба 41,5 фоиз, вилояти Хатлон қариб 35 фоиз, вилояти Суғд беш аз 33 фоиз, Вилояти Мухтори Кӯҳистони Бадахшон зиёда аз 34 фоиз ва шаҳру ноҳияҳои тобеи ҷумҳурӣ қариб ба 30 фоиз расидааст.
Боиси ифтихор аст, ки аз 19210 нафар хизматчиёни давлатӣ 4485 (23,4 фоиз) нафарро занон ташкил медиҳанд. Дар Кумитаи кор бо занон ва оила бошад, зиёда аз 80 фоиз занон ба кор ҷалб гардидаанд. Саҳми занон ҷиҳати пешбурди соҳаҳои илму маориф ва тандурустӣ низ назаррас мебошад. Имрӯз дар соҳаи маорифи кишвар 73 фоиз ва тандурустӣ наздики 68 фоизро занон ташкил медиҳанд. Инчунин дар Хадамоти алоқа - 64 фоиз, Кумитаи забон ва истилоҳот - 60 фоиз, Вазорати адлия - 58 фоиз, Вазорати фарҳанг - 36,2 фоиз ва Агентии хизмати давлатӣ - 34,1 фоиз занон фаъолият менамоянд. Маврид ба зикри хос аст, ки занони шарафманди тоҷик дар дигар самтҳои ҳаётан муҳими ҷомеаи кунунӣ фаъолияти пурмаҳсул доранд.
Зан пеш аз ҳама модар буда, ҷиҳати бунёди оилаи солим ва тарбияи дурусти фарзанд дар радифи мард саҳмгузор аст. Имрӯз бо ифтихор метавон гуфт, ки зани тоҷик дар баробари фаъолияти давлатӣ, инчунин асолати аслии худ, ҳамсари хуб ва модари меҳрубон буданро фаромӯш насохта, муваффақона вазифаҳои бар зимма доштаашро иҷро менамояд.
Хизматҳои содиқона ва фаъолияти пурсамари бонувон аз ҷониби Ҳукумати кишвар қадр гардида, баҳри зиёд на¬мудани роҳбарони сохтору вазоратҳо аз ҳисоби занон табдирҳои судманд пешбинӣ ва амалӣ мегардад. Дар ин баробар умед бар он дорем, ки занони шарафманди тоҷик бо ғаюрию кордонӣ минбаъд низ дар ободонӣ ва пешрафти Тоҷикистони азиз саҳми бузург мегузоранд.
Эзоҳи худро нависед