Даҳҳо мусофир дар шоҳроҳи Душанбе - Чаноқ дар нақби Истиқлол дар мондаанд. Мақомот мегӯяд, миёни онҳо занону кӯдакон низ ҳастанд.

Умеда Юсуфова, сухангӯи Кумитаи ҳолатҳои фавқулодда ва мудофиаи гражданӣ гуфтааст, вазъ бахусус дар самти ноҳияи Айнӣ бад аст ва 80 мусофире, ки аз самти Хуҷанд ба Душанбе меомаданд, дар банди тарма мондаанд. Ба гуфтаи ӯ, маъмурони наҷотдиҳӣ ҳамроҳ бо кормандони ширкати IRS ҳамаи онҳоро аз муҳосираи барфу баҳман наҷот дода, ба самти Айнӣ баргардонданд. Мақомот маҷбур шудаанд, аз ночорӣ даҳҳо мошини боркашро дар дохили нақби Истиқлол нигоҳ доранд.

Айни замон тарма роҳи Душанбе-Хуҷандро аз чанд қисматаш бастааст ва ҳаракат дар ин роҳ манъ аст. Ба гуфтаи У. Юсуфова, тармаи аз ҳама калон дар 48-умин километри роҳи Душанбе-Чаноқ фаромадааст, ки роҳро бастааст. Роҳи Душанбе-Хоруғ низ бастааст, зеро дар километри 361-ум дар қаламрави ноҳияи Дарвоз як кӯҳпораи азим садди роҳ шудааст.