ҶОМЕА
Чоршанбе 08 Феврал 2023 02:37
8689
Дар асоси дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вазири фарҳанги Ҷумҳурии Тоҷикистон Зулфия Давлатзода бо сокинону фаъолони шаҳри Хоруғи Вилояти Мухтори Кӯҳистони Бадахшон мулоқот анҷом дод.

Дар вохӯрӣ ҳамзамон раиси шаҳр Ризо Назарзода, муовинони раис, кормандони мақомоти иҷроияи ҳокимияти давлатӣ, роҳбарони идораҳои маҳаллӣ ва ҷавонони шаҳр иштирок намуданд.

Зулфия Давлатзода, вазири фарҳанг зимни баромади хеш таъкид карданд, ки ҷиҳати дар амал татбиқ намудани нишондиҳандаҳои Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон, иҷрои дастуру супоришҳо дар ин самт ва тақвияти худогоҳиву худшиносии наврасону ҷавонон, вусъати корҳои ободонӣ, истифодаи самараноки заминҳову афзоиши истеҳсоли маҳсулоти кишоварзӣ, хосса дар вазъи мураккаби ҷаҳони имрӯза аз аҳолии кишвар ҷиддияти зиёдтар мехоҳад.

“Бо иқдому дастгириҳои доимии Ҳукумати мамлакат сатҳу сифати зиндагии мардуми кишвар давра ба давра беҳбуд ёфта, садҳо иншооти муҳими ҳаётӣ бунёд ёфтаанд. Моро мебояд, ки ҳамаи дастовардҳои бузурги Истиқлолро ҳифзу гиромӣ дошта, аз чунин неъматҳо самаранок истифода кунем”, - афзуд номбурда.

Дар вохӯрӣ инчунин вазъи муассисаҳои маорифу фарҳанг, тандурустӣ, таъмини китобхонаҳо бо китобҳои гуногуну фаъолияти онҳо дар вилоят ва дигар масоили мубрами рӯз мавриди баррасӣ қарор гирифтанд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 1 2 3 4 5

Феврал 2023 c.