Аз 25 сентябр то 6 октябри соли равон дар шаҳри Қӯрғонтеппа, мусобиқаи футболи хурд миёни маҳаллаҳои шаҳр доир мегардад.

Мусобиқаи мазкур бо ташаббуси ШВКД кор бо маҳаллаҳо ва бахши кор бо ҷавонон ва варзиши шаҳр бахшида ба “Соли ҷавонон” гузаронида мешавад.

Мақсад аз гузаронидани мусобиқаи мазкур оммавӣ гардонидани футбол, мусоидат намудан ба рушди солимии аҳолӣ, ташвиқу тарғиби тарзи ҳаёти солим ва пешгирӣ намудани омилҳои номатлуб дар байни ҷавонон мебошад.

Дастаҳои ғолиб бо диплом, ҷом, туҳфа ва туҳфаҳои хотиравии шуъбаи вазорати корҳои дохилӣ дар шаҳри Қӯрғонтеппа сарфароз гардонида мешаванд.

Ёдовар мешавем, ки иқдоми ташкил ва гузаронидани мусобиқаи футбол зимни вохӯрии сардори ШВКД-и шаҳр Набиҷон Исозода бо раисони маҳаллаҳо ва имомхатибони масҷидҳо аввали моҳи августи соли ҷорӣ пешниҳод гардида буд.

Умед МИРЗОЕВ, “ҶТ”