20 май дар саросари кишварамон Дави миллӣ баргузор мегардад. Ҳамасола ин чорабинии бузурги варзишӣ якшанбеи сеюми моҳи май ба нақша гирифта шудааст, ки имсол ба санаи 20 май рост омад.

Масофаи Дави миллӣ зиёда аз 10 км-ро дарбар гирифта, аз даромадгоҳи маҳаллаи Чорбоғ оғоз гардида, иштирокчиён тавассути хиёбони Ҳофизи Шерозӣ то Наврӯзгоҳ миёни ҳам сабқат менамоянд.

Иқдоми мазкур бо мақсади таҳкими тарзи ҳаёти солим, рушду инкишофи соҳаи варзиш ва оммавияти он байни аҳолӣ, роҳандозӣ шудааст.

Инчунин, тибқи нақша чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо дарназардошти оммавӣ гардонидани намуди варзиши велосипедронӣ дар мамлакат, 19 май соати 9:00 дар саросари ҷумҳурӣ марафони велосипедронӣ ба нақша гирифта шудааст.