ВАРЗИШ
Чоршанбе 08 Феврал 2023 01:22
2132
Аз Паёми Президенти кишвар, муҳтарам Эмомалӣ Раҳмон аз 20 январи соли 2016 ба Маҷлиси Олӣ дар ҳаёти сиёсиву иҷтимоӣ, иқтисодиву фарҳангӣ ва варзишӣ тағйироту пешравиҳои назаррас ба амал омад. Хусусан варзиш аз самтҳое буд, ки аз мадди назари Роҳбарияти кишвар дур намонд.

ими варзишӣ - Бозиҳои XXXI тобистонаи олимпӣ баргузор гардид. Дар ин мусобиқот Тоҷикистонро ҳафт варзишгар - Дилшод Назаров (варзиши сабук, гурзандозӣ), Анвар Юнусов (бокс), Муҳаммад Абдураҳмонов, Комроншоҳи Устопириён (ҷудо), Кристина Параженко (варзиши сабук, давидан), Олим Курбонов, Анастасия Тюрина (шиноварӣ)  муаррифӣ намуданд. Метавон гуфт, ки соли 2016 ва Олимпиадаи Рио барои мардуми тоҷик фаромушнашуданист. Зеро дар ин сол мардуми тоҷик шаҳди медали тиллои Бозиҳои олимпиро, ки дер боз интизораш буданд, чашиданд. Ин ҳадяро фарзанди миллат Дилшод Назаров дар арафаи таҷлили 25-солагии Истиқлолияти давлатии кишвар овард. 19-20 августи соли 2016 махсус дар хотираи пиру ҷавони миллати тоҷик нақш бастааст. Мардум баъд аз мағлубияти 6 варзишгар умеди охирини худро ба Дилшод Назаров баста, шабзиндадорӣ намуданд. Ба хотири пирӯзии фарзандашон дуо мекарданд ва он ҳама дуоҳо мустаҷоб гардид. Ин рӯз барои тамоми тоҷику тоҷикистонӣ ид буд. ВАО-и тоҷик ин ҷашни миллатро ба ҷаҳониён инъикос намуд. Варзишдӯст будани мардуми тоҷик бори дигар ба ҷаҳониён исбот шуд. Мардуми тоҷик аз азал мутаҳид буд ва ин муттаҳидиро варзишу варзишгараш бори дигар нишон дод. Бо як медали тилло Тоҷикистон аз рӯи ҳисоби медалҳо дар ҷои 54 ва аз рӯи тақсими медалҳо сари ҳар иштирокчӣ дар ҷаҳон мақоми аввалро ишғол намуд. Ба ин восита ва ин дастовард варзиш дар соли 2016 дар Тоҷикистон даҳчанд оммавӣ шуд. Ҳафтаҳою моҳҳо ВАО-и тоҷик аз варзиш гуфт. Соли 2016 варзиши тоҷик ба ҷаҳониён дар сатҳи олӣ муаррифӣ гардид. Инчунин дар ин сол аввалин медали тиллои Осиё аз намуди гӯштини ҷудо (15-16 апрел, шаҳри Тошканди Узбекистон) вориди хазинаи тиллоии варзиши тоҷик гардид. Ин медалро Комроншоҳи Устопириён ба Ватан овард. То ин дам ҷудокорони тоҷик соҳиби медали биринҷии мусобиқаи Осиё буданд. Парвиз Собиров, ҷудокори  тоҷик охири соли 2016, антиқтараш 18-20 ноябр дар мусобиқаи қаҳрамонии ҷудои ҷаҳон миёни собиқадорон дар шаҳри Форт-Лодердейли иёлоти Флоридаи ШМА дар вазни 100 кило дар гурӯҳи М2 (30-солаҳо) медали тиллоро ба гардан овехт, ки аввалин ҳисобида мешавад. Аз намуди кигбоксинг моҳи сентябри соли 2016 Зуҳро Холова дар мусобиқаи Осиё, ки дар давлати Корея миёни калонсолон баргузор гардид, аввалин медали тиллоро вориди хазинаи тиллоии варзиши кишвар намуд.

Дар соли ҷашни 25-солагии Истиқлолияти давлатӣ дар сартосари ҷумҳурӣ мусобиқаҳои гуногуни варзишӣ гузаронида ва иншооти зиёд мавриди баҳрабардорӣ қарор гирифт. 27 майи соли 2016 дар аввалин ҷаласаи Шӯрои миллии кор бо ҷавонон Сарвари кишвар дар самти варзиш махсус истода, ба роҳбарони вазорату идораҳои дахлдори мамлакат барои беҳтар гардонидани шароиту имкониятҳои ҷавонон, вусъати бунёди майдону толорҳои варзишӣ бо мақсади солимгардонии ҷомеа ва оммавигардонии варзиш, ҷалби ҳарчи бештари ҷавонон ба мусобиқаҳои варзишӣ, тарғибу ташвиқи варзиш ва тарзи ҳаёти солим супоришҳои мушаххас доданд. Аз 3 то 9 майи соли 2016 аввалин чемпионати Осиё миёни донишҷӯён оид ба бокс дар шаҳри Душанбе баргузор гардид, ки тими муштзанҳои тоҷик мақоми аввалро ишғол намуд. Инчунин дар ин сол даври гурӯҳии чемпионати Осиё оид ба футболи духтарона миёни наврасон бори нахуст дар Тоҷикистон баргузор гардид. Бахшида ба Истиқлолияти давлатӣ аввалин бор мусобиқа аз намуди давидан баргузор шуд. Аз намуди футбол бошад, тими ҷавонони кишвар бори нахуст миёни тимҳои қораи Осиё аз марҳилаи гурӯҳӣ баромад.  

Давоми 11 моҳи соли 2016 бо дастгирии Ҳукумати кишвар дар якҷоягӣ бо Кумитаи ҷавонон, варзиш ва сайёҳӣ 167 мусобиқаи варзишии сатҳи ҷумҳуриявӣ гузаронида шудааст, ки дар он 12486 варзишгар иштирок намудаанд. Дар соли 2015 142 мусобиқаи ҷумҳуриявӣ ва шумораи иштирокчиён 9806 нафарро ташкил медод.

Варзишгарони тоҷик дар соли 2016 дар 70 мусобиқаи байналмилалӣ иштирок намуда, 302 медал (94 тилло, 91 нуқра, 116 биринҷӣ) ба даст овардаанд. Давоми соли 2016 318 варзишгари тоҷик дар мусобиқаҳои берун аз кишвар Тоҷикистонро муаррифӣ намудаанд.

Ба хотири оммавияти варзиш ва омода намудани варзишгарони касбӣ барои мусобиқаҳои сатҳи байналмилалӣ давоми 11 моҳи соли 2016 дар сартосари ҷумҳурӣ 132 мактаби варзишӣ сохта ба истифода дода шудааст, ки 42504 нафар варзишгар дар онҳо машқ мекунанд. Аз ин рақам 7136 нафари онҳоро бонувон ташкил медиҳад. Давоми сол дар баробари мактабҳои варзишӣ 113 варзишгоҳ, 6251 майдончаҳои оддии варзишӣ, 1633 толори варзишӣ ва 84 ҳавзи шиноварӣ сохта ба истифода дода шудааст. Ба хотири солимии ҷомеа ҳамасола моҳи май Рӯзи дави миллӣ дар сартосари ҷумҳурӣ гузаронида мешавад, ки теъдоди иштирокдорон дар соли 2016 396858 нафарро ташкил намуд, ки 122877 нафараш бонувон буданд.

Метавон гуфт, ки соли 2016 барои соҳаи варзиш ва варзишгарон соли қуллаҳои баланди музафарияту пешравиҳо буд. Соҳаи варзиш ва варзишгарони кишварро музаффариятҳои нав дар соли 2017 интизор аст.

Шодихони НАЗАР,"ҶТ"

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 1 2 3 4 5

Феврал 2023 c.